Rusiya şirkətləri ABŞ-ın iyun ayında tətbiq etdiyi yeni sanksiyalara görə Çinlə ödənişlər edərkən getdikcə daha çox problemlərlə üzləşirlər, belə əməliyyatlar ya dondurulub, ya da uzun müddət gecikdirilib. 

Valyuta.az xəbər verir ki, Bloomberg bu barədə Rusiyanın iri ixracatçılarının sorğuda iştirak edən top-menecerlərinə istinadən yazır.

Qeyd olunur ki, Çindən Rusiya Federasiyasına hətta yuanla da birbaşa ödənişlər etmək demək olar ki, mümkün deyil. Həmçinin iyul ayında Rusiyanın kənd təsərrüfatı məhsullarının bir sıra çinli alıcıları ödənişlərlə bağlı problemlər yaşayıblar.

Agentliyin həmsöhbətləri bildiriblər ki, alternativ ödəniş üsulları, o cümlədən kriptovalyutalardan və ya “pad ölkələr”dən istifadə tapmaq getdikcə çətinləşir.

Bloomberg-in məlumatına görə, ticarətdə çətinliklər ABŞ-ın yeni sanksiyaların, o cümlədən xarici şirkətlərə qarşı tətbiq edilməsi zərurətini müəyyən etmək üçün meyarları genişləndirməsi ilə bağlı olub. Xüsusilə, Rusiya Federasiyasının hərbi-sənaye bazasının tərifi genişləndirilib.

Agentlik bu tədbirlərin Rusiya iqtisadiyyatına yavaş-yavaş təsir göstərdiyinin artıq nəzərə çarpdığını qeyd edərək, bu tədbirləri “əsrarəngiz” kimi səciyyələndirir. Bloomberg yazır ki, 2023-cü ilin sonundan etibarən Rusiya Birləşmiş Ərəb Əmirlikləri, Türkiyə və Hindistanla ödəniş etməkdə də çətinliklərlə üzləşib.

Nicat