“Science Advances” jurnalında dərc edilən bir araşdırma göstərib ki, süni intellekt ideyaların yeniliyini və hekayələrin “faydalılığını” – auditoriyanı cəlb etmək qabiliyyətini və dərc olunma potensialını təkmilləşdirməklə yaradıcılığı artırır.

Valyuta.az bu barədə NV-yə istinadla xəbər verir.

Tədqiqat sübut edib ki, süni intellekt hekayələri “peşəkar şəkildə formalaşdırır”, onları daha maraqlı, təəccüblü və yaxşı yazılmış edir.

Təcrübədə gənc auditoriya üçün qısa hekayələr yazan 300 nəfər iştirak edib. Tədqiqatçılar müəyyən ediblər ki, süni intellekt daha az yaradıcı yazıçılara 26,6% daha yaxşı yazılmış və 15,2% daha az darıxdırıcı mətn hazırlamağa kömək edib. Bununla belə, daha çox yaradıcı yazıçılar süni intellektdən istifadə etməklə eyni təkmilləşməni yaşamayıblar.

Tədqiqat həmçinin göstərib ki, süni intellekt məzmunun kollektiv müxtəlifliyini azalda bilər, çünki onunla yaradılmış hekayələr bir-birinə daha çox bənzəyir. 

Süni intellektdən istifadə edən yazıçılar süni intellektdən istifadə etməyənlərlə müqayisədə 8,1% daha çox yenilik və 9% daha çox faydalılıq balları alıblar. Süni intellekt tərəfindən yaradılan beş ideyadan istifadə edənlər daha cəlbedici və daha az darıxdırıcı hekayələr yaradıblar.

Daha az yaradıcı yazıçılar süni intellektdən ən çox faydalanıb, onların işləri yenilikdə 10,7% və faydalılıqda 11,5% artıb. Onların hekayələri 26,6% daha yaxşı yazılmış və 15,2% daha az darıxdırıcı olub ki, bu da onları daha yaradıcı yazıçılarla bərabər edib.

Bununla belə, tədqiqatçılar süni intellektdən istifadə etməklə yaradılan hekayələrin bir-birinə 10,7% daha çox oxşar olduğunu da müəyyən ediblər. Bu, süni intellekt yaradıcı tapşırıqlarda geniş istifadə olunarsa, kollektiv yeniliyin azalmasına səbəb ola bilər. Exeter Universitetindən Oliver Houser vurğulayıb ki, süni intellekt fərdi yaradıcılığı artırsa da, məzmunun unikallığını azaltmaq riski var.

UCL-dən Anil Doşi qeyd edir ki, nəşriyyat sənayesi süni intellektdən ilham alan generativ hekayələri qəbul edərsə, onlar daha az unikal ola bilər. Professor Hauzer əlavə edib ki, bu, süni intellektdən istifadə etməklə yaradılmış fərdi mətnlərin daha yaradıcı kimi qiymətləndirildiyi, lakin hekayələrin kollektiv yeniliyinin azaldığı vəziyyətə gətirib çıxara bilər.

Nicat