Avropa Birliyi Çinlə ticarət müharibəsinə hazırlaşır. Elektrik avtomobillərinə tətbiq edilən tariflərə görə oxşar bir şey ola bilər. 

Valyuta.az xəbər verir ki, bu barədə The Economist yazır.

Nəşr qeyd edir ki, Avropa İttifaqı dövlət satınalmalarında cəza mexanizmlərini tətbiq edə bilər. Məsələn, Aİ Çin şirkətlərinin Avropa ölkələrində dövlət tenderlərinə çıxışını məhdudlaşdırmağa başlayacaq.

Bundan əvvəl məlum olub ki, Avropa Komissiyası Avropa bazarına çıxarılan Çin elektromobillərinə rüsum tətbiq edə bilər.

Avropa Komissiyasının vitse-prezidenti Marqaritis Şinas Brüsseldə keçirdiyi brifinqdə bildirib ki, Çindən Avropa İttifaqına idxal olunan elektrik avtomobilləri ilə bağlı araşdırma aparıb və Çin hakimiyyətinin avtomobil istehsalçılarına “ədalətsiz” dövlət dəstəyi şəklində pozuntular aşkar edib.

Bununla əlaqədar olaraq, Avropada Çin elektromobillərinə idxal rüsumları tətbiq oluna bilər, onlar müxtəlif avtomobil istehsalçıları üçün 17-38% arasında dəyişir.

O da məlumdur ki, ABŞ hakimiyyəti Çinin elektrik avtomobillərinə rüsum tətbiq etməyə hazırlaşır.

Nicat