BMT Baş Assambleyası Ukraynanın təşəbbüsü ilə Ukraynanın nüvə obyektlərinin, o cümlədən Zaporojye atom elektrik stansiyasının təhlükəsizliyi və qorunmasına dair qətnamə qəbul edib. 

Valyuta.az xəbər verir ki, bu barədə Prezident Vladimir Zelenski X şəbəkəsində yazıb.

Zelenski bu addımı “BMT Nizamnaməsinə və beynəlxalq hüquqa hörmətin bərpası üçün vacib” adlandırıb.

Qətnamədə Rusiyanın MAQATE-nin rəhbər orqanlarının qətnamələrinə əməl etməməsi ilə əlaqədar Zaporojye AES-in demilitarizasiyası və işğaldan azad edilməsinin zəruriliyi vurğulanır.

“Qətnamə Rusiyanın MAQATE-nin rəhbər orqanlarının qətnamələrinə əməl etməməsi fonunda Zaporojye AES-in demilitarizasiyası və işğaldan azad edilməsinin zəruriliyini təsdiqləyir.

Bu səsvermə “Radiasiya və Nüvə Təhlükəsizliyi” Sülh Formulasının birinci bəndinin əsas məsələlərdən biri olduğu birinci Sülh Sammitində qəbul edilmiş müzakirələrin və qərarların davamıdır”, - o qeyd edib.

Zelenski Rusiyanın təcavüzü nəticəsində pozulmuş bütün ərazilərdə təhlükəsizliyin bərpasında göstərdikləri köməyə görə bütün tərəfdaşlara minnətdarlığını bildirib. O qeyd edib ki, birgə səylərlə beynəlxalq hüququn əsas normalarını və ümumi dəyərləri qorumaq mümkündür.

Xatırladaq ki, Sammitdən sonra Zelenski daha sonra müzakirə üçün müəyyən edilmiş üç məsələnin - nüvə təhlükəsizliyi, ərzaq təhlükəsizliyi, məhbusların və deportasiya edilmiş uşaqların geri qaytarılması ilə bağlı müzakirələrin tamamilə praktik addımlarla nəticələnə biləcəyini deyib.

Nicat