Gürcü iş adamı, hakim “Gürcü arzusu” partiyasının qurucusu və Gürcüstanın keçmiş baş naziri Bidzina İvanişvilinin sərvəti bir il ərzində 700 milyon dollar artıb.

Valyuta.az xəbər verir ki, bununla, İvanişvili özünü dünyanın 500 ən varlı adamı arasında 369-cu yerdə tapıb.

Bloomberg 2013-cü ildən gürcü siyasətçi və milyarderin aktivlərini açıqlayıb. O vaxt İvanişvilinin kapitalı 6,33 milyard dollar, 2020-ci ildə 4,95 milyard dollar (ən aşağı göstərici) olaraq qiymətləndirilib.

“Kommersant”ın məlumatına görə, Bidzin İvanişvili 2011-ci ildə siyasətə girmək qərarına gələnə qədər Rusiyada bir sıra uğurlu müəssisələrə, o cümlədən Rusiya Kredit Bankına sahib olub. O, 2011-ci ilin oktyabrında siyasi karyerasını elan etdikdən və 2012-ci ilin oktyabrında keçirilən seçkilərdə qalib gələn, prezident Mixail Saakaşvilinin "Vahid Milli Hərəkat" partiyasını devirən o vaxtkı müxalif "Gürcü arzusu" partiyasını qurduqdan sonra Rusiyadakı bütün aktivlərini (Qazpromdakı payından başqa) satıb.

Nicat