Birləşmiş Ərəb Əmirlikləri keçən il Rusiya neft məhsullarının idxalını dörd dəfə artırıb. 

Valyuta.az "RİA Novosti"yə istinadən xəbər verir ki, bu barədə BƏƏ İqtisadiyyat Nazirliyi məlumat yayıb.

2023-cü ildə BƏƏ-nin Rusiya Federasiyasından aldığı neft məhsullarının həcmi iki ölkə arasında ticarətin bütün dövrü üçün maksimum həddə çatıb. Beləliklə, 2022-ci ildəki 237,8 milyon dollara qarşı 971,4 milyon dollar təşkil edib.

Bundan əlavə, Rusiya kömürünün idxalı 1,7 dəfə artaraq 75,3 milyon dollar təşkil edib.

Ötən il Rusiya ilə Birləşmiş Ərəb Əmirlikləri arasında ticarət dövriyyəsi 3,5% artaraq rekord həddə - 11,2 milyard dollara çatıb.

Əvvəllər bildirilirdi ki, ruslar 2024-cü ilin birinci yarısında Birləşmiş Ərəb Əmirliklərində daşınmaz əmlakın ilk 3 alıcısı sırasındadır. İyunun 17-də AvtoVAZ-ın prezidenti Maksim Sokolov bildirib ki, "Lada" avtomobilləri BƏƏ-də hələ 2024-cü ildən satılmağa başlaya bilər.

Paşa Məmmədli