Rusiyanın informasiya texnologiyaları (İT) sahəsində ciddi kadr çatışmazlığı yaranıb.

Valyuita.az xəbər verir ki, kadr çatışmazlığından daha çox əziyyəti kiçik və orta biznesin (KOB) nümayəndələri çəkirlər.

"Blank Bank" analitiklərinin keçirdiyi sorğunun nəticələrinə əsasən, bu sahədə kadr çatışmazlığı getdikcə artır. Sorğuda KOB-un İT seqmentindən ümumilikdə 2,5 min sahibkar iştirak edib. Sorğunun nəticələrinə əsasən məlum olub ki, hazırda kiçik və orta biznes seqmentində İT mütəxəssislərinin çatışmazlığı 34 faiz təşkil edir. Bununla əlaqədar olaraq işəgötürənlərin əməkhaqqı xərcləri nəzərəçarpacaq dərəcədə artıb
 
İndi bir İT mütəxəssisin minimum maaşı 130 min rubl (2520 manat), orta əməkhaqqı isə 270 min rubl (5240 manat) təşkil edib. Bu sahədə aylıq maaşı 370 min rubldan (7200 manat) yüksək olan çoxlu sayda İT mütəxəsisi də var. Sorğu zamanı bəlli olub ki, işəgötürənlər, əsasən, iş təcrübəsi olan mütəxəssislər axtarırlar.
 
Belə ki, orta və yüksək səviyyəli İT mütəxəssislərinə tələb müvafiq olaraq 42 və 39 faiz, aşağı səviyyəli proqramçılar (gənclər) üçün isə tələb cəmi 19 faiz təşkil edir.
 
Mütəxəssislərin fikrincə, şirkətlərin əsas marağı 1C (34 faiz), “Python” proqramçıları (23 faiz) və “JavaScript” tərtibatçıları (16 faiz) sahəsində mütəxəssislərə yönəlib.

© Sfera.az