Fırıldaqçılar qiymətli məlumatları oğurlamaq üçün yeni "Telegram Stars" valyutasından aktiv şəkildə istifadə etməyə başlayıblar. 

Valyuta.az xəbər verir ki, bu barədə “İzvestiya” qəzetinin saytında məlumat verilib.

Nəşr vurğulayır ki, fırıldaqçılar əlverişli şərtlər vəd edərək "App Store" və "Google Play"dən yan keçərək yeni valyutanın satışı ilə bağlı reklam yaymağa başlayıblar. Beləliklə, onlar istifadəçilərin şəxsi məlumatlarını, o cümlədən "Telegram Wallet" kripto pul kisəsinə giriş əldə etmək istəyirlər.

"InfoWatch Group"un aparıcı analitiki Eliks Smirnovun sözlərinə görə, "Telegram" kriptovalyutadan istifadə üçün ən əlçatan variantlardan birinə çevrilib, ona görə də ondan pul qazanmaq istəyənlər var.

"BI.ZONE Brand Protecton" eksperti Dmitri Kiryuşin qeyd edib ki, fırıldaqçıların əsas motivi istifadəçinin pul qazanmaq və çox yüksək gəlir əldə etmək istəyidir.

Bundan əvvəl məlum olmuşdu ki, "Android" üçün "Telegram"ın ən son beta versiyasında indi abunəçilərin yalnız "Stars" virtual valyutası ilə ödəniş etdikdən sonra daxil ola biləcəkləri foto və videolarla yazıların dərci funksiyası var.

Paşa Məmmədli