Türkiyə Ukraynaya ixracını rekord həddə çatdırıb və 2022-ci il səviyyəsini keçərək, Ukrayna məhsullarının idxalını əhəmiyyətli dərəcədə azaldıb. 

Valyuta.az xəbər verir ki, "RİA Novosti" bu barədə iki ölkənin ticarət-iqtisadi balansına dair məlumatlara istinadən məlumat yayıb.

"İlin əvvəlindən bəri Türkiyənin Ukraynaya ixracatı may ayında təxminən 1,5 dəfə, ay ərzində isə 21% artıb. Eyni zamanda, Türkiyə artıq üçüncü aydır ki, oradan daha az alış-veriş edir: aprel ayı ilə müqayisədə idxal pul ifadəsində 1,4 dəfə azalaraq 192,2 milyon dollar təşkil edib", deyə agentlik hesablayıb.

2024-cü ilin mayında iki ölkənin ümumi ticarət dövriyyəsi 504,5 milyon dollar təşkil edib ki, bu da cari dövrün əvvəlindən minimum göstəricidir. Türkiyə ixracının böyük hissəsini nəqliyyat (25%), qara metallar və onlardan hazırlanan məmulatlar (11%) və mineral yanacaqlar (10%) təşkil edir.

Ukraynanın Türkiyəyə ixracı azalıb, lakin taxıl (34%), piylər və yağlar (25%), eləcə də qara metallar və onlardan hazırlanmış məmulatlar (8%) üzrə adi bölməsini saxlayıb.

Paşa Məmmədli