Rusiya bu ilin sonunda müqavilənin başa çatmasından sonra Ukrayna vasitəsilə Avropaya qaz nəqlini davam etdirməyə hazırdır.

Valyuta.az xəbər verir ki, bu haqda “TRT Haber”in məlumatında deyilir. Bunu RF baş nazirinin müavini Aleksandr Novak Qazaxıstanda ŞƏT sammiti çərçivəsində jurnalistlərə deyib.

“Biz 2024-cü ildən sonra Ukrayna vasitəsilə qaz nəqlini davam etdirməyə hazırıq... Təchizat onların (Ukrayna - red.) ərazisindən həyata keçirilir, onların öz qaydaları var. Davamı onların istəklərindən asılıdır. Biz tədarükləri davam etdirməyə hazırıq”, - deyə Novak Türkiyə telekanalına deyib.

O, həmçinin xatırladıb ki, Rusiya qazının Ukrayna vasitəsilə Avropaya tədarükü üzrə müqavilə 2024-cü ildə başa çatır.

Əvvəllər bildirilirdi ki, 2019-cu ilin sonunda Ukrayna və Qazprom arasında Rusiya qazının Avropaya tranziti ilə bağlı saziş imzalanıb. “Yüklə və ya ödə” düsturu ilə 31 dekabr 2024-cü il tarixinədək etibarlıdır. “Qazprom” 2021-2024-cü illərdə Ukraynanın qaz nəqli sistemi vasitəsilə tədarük olunan qazın faktiki həcmlərindən asılı olmayaraq ən azı 40 milyard kubmetr qazın vurulmasına görə ödəniş etməyə borcludur.

Prezident Vladimir Zelenski bildirib ki, Ukrayna tərəfi Rusiya Federasiyası ilə qaz müqaviləsini yeniləmək istəmir.

20 dekabr 2023-cü il tarixində Avropanın enerji məsələləri üzrə komissarı Kadri Simson Rusiya qazının Ukrayna ərazisindən tranzitinin dayandırılacağını və Rusiya Federasiyasından qaz istehlak edən Aİ-yə üzv ölkələrin bazardakı dəyişikliklərə hazırlaşmalı və istehlakı azaltmağa başlamalı olduğunu bildirib.

Qlobal Enerji Siyasəti Mərkəzinin hesabatına görə , bəzi tədarüklər 2024-cü ildən sonra da davam etsə belə, siyasi dəstəyin olmaması səbəbindən mövcud tranzit sazişinin oxşar şərtlərlə yenilənməsi ehtimalı azdır.

Ukrayna GTS Operatorunun məlumatlarına görə, 2023-cü ildə Rusiya təbii qazının Ukraynanın qaz nəqli sistemi (QTS) vasitəsilə tranziti 2022-ci illə müqayisədə 28,4% (5 milyard 812,6 milyon kubmetr) azalaraq 14 milyard 646,6 milyon kubmetr təşkil edib. 

2024-cü ilin yanvarında bildirildi ki, Qazprom artıq bir trilyon rubl xalis zərər alıb.

Nicat