Rusiyada indi yuanla birja ticarətinin dayandırılması riski yoxdur və birjadankənar məzənnə təmsilçidir.

Valyuta.az xəbər verir ki, bu barədə RF Mərkəzi Bankının maliyyə konqresi çərçivəsində Sberbank-ın rəhbəri German Qref danışıb.

"Mən belə bir risk görmürəm. Birjadankənar bazar həmişə mövcud olub və ticarətin 60%-ə qədəri həmişə orada olub”, - deyə o, yuan üçün risklərlə bağlı sualı cavablandırıb.

Qref onu da əlavə edib ki, indi birjadankənar ticarətin payı daha böyük olacaq. O, əmin olduğunu bildirib ki, yuanın məzənnəsinin digər valyutalar kimi reprezentativliyi kifayət qədər yüksəkdir.

“Bütün mexanizmlər, o cümlədən kursun vahidliyi səviyyəni dəyişəcək. Mən böyük problem görmürəm”, - deyə Sberbank rəhbəri yekunlaşdırıb.

İnvestisiya bankiri, Ali İqtisadiyyat Məktəbinin professoru Yevgeni Koqan qeyd edib ki, Qərbin yeni məhdudiyyətlər tətbiq etmə riski səbəbindən bazarda həqiqətən yuanla bağlı narahatlıq var.

İyunun əvvəlində Moskva Birjası və onun qrup üzvləri, Milli Klirinq Mərkəzi (NCC) və Milli Hesablaşma Depozitarisi (NSD) ABŞ sanksiyalarına məruz qalıb.

Bundan sonra Rusiya Bankı birjadankənar bazarda aparılan əməliyyatların nəticələrinə və kredit təşkilatlarının hesabat məlumatlarına əsasən ABŞ dolları və avronun Rusiya rubluna rəsmi məzənnələrini təyin etməyə başlayıb.

Nicat