Rusiyada inflyasiya iyulun 1-nə illik ifadədə 9,22% təşkil edib. 

Valyuta.az xəbər verir ki, bu nəticə İqtisadi İnkişaf Nazirliyinin “Mövcud qiymət vəziyyəti haqqında” icmalından irəli gəlir.

İcmalda qeyd olunur ki, hesabat həftəsində ərzaq məhsulları sektorunda qiymət artımı 0,19% təşkil edib. Xidmətlər sektorunda inflyasiya 5,9% təşkil edib.

Eyni zamanda, Rosstat Rusiya Federasiyasında iyunun 25-dən iyulun 1-dək həftəlik inflyasiyanın 0,66%, ilin əvvəlindən 3,82% təşkil etdiyini bildirib. İyunun 24-nə inflyasiya illik ifadədə 8,61% təşkil edib.

İyulun 3-də Rusiya Bankının rəhbəri Elvira Nabiullina Mərkəzi Bankın Maliyyə Konqresinin plenar iclası zamanı bildirib ki, tənzimləyici proqnozlaşdırıla bilən və aşağı inflyasiyanın təmin edilməsi üçün bütün tədbirləri görəcək.

Nabiullina həmçinin bildirib ki, Rusiya iqtisadiyyatının transformasiyası qısa məsafə deyil, maneələrlə marafondur. O, Rusiya iqtisadiyyatının çoxlarının gözlədiyindən daha sürətli bərpa olunduğunu vurğulayıb. Nabiullina 2023-cü ildə iqtisadi artımın yüksək templərini qeyd edib, həmçinin bu templərin qorunub saxlanacağına ümid etdiyini bildirib.

Nicat