Sber QR kodlarından istifadə etməklə ödənişlərin həyata keçirilməsi üçün Türkiyədən başqa ölkələrin xarici bankları və maliyyə tərəfdaşları ilə danışıqlar aparır. 

Valyuta.az xəbər verir ki, bunu “İzvestiya” qəzetinə müsahibəsində “Sberbank”ın idarə heyəti sədrinin birinci müavini Kiril Tsarev deyib.

"Biz artıq xarici banklar və digər ölkələrin maliyyə tərəfdaşları ilə belə bir xidmətin işə salınması ilə bağlı danışıqlar aparırıq ki, ruslar xaricdə bir şey almaq istəyərkən hələ də çətinliklərlə üzləşirlər - belə bir həll onlara kömək etməlidir", - o deyib.

Tsarev xatırladıb ki, 2023-cü ildə Sber bir neçə türk otelində Rusiya vətəndaşları üçün kartla onlayn ödəniş etməyə başlayıb. Bundan əlavə, bank Türkiyədə SberPay və ya QR kodu ilə ödəniş imkanını 30 mindən çox mağaza, kafe və restorana genişləndirib, bank qəbul məntəqələrinin sayını artırmaq üçün də işlərini davam etdirir.

Tsarevin sözlərinə görə, Sber müştəriləri 30-dan çox ölkəyə də pul köçürə bilərlər:

“SPIEF 2023-dən sonra keçən il ərzində biz 10-a yaxın yeni ölkəni birləşdirdik, çünki istiqamət çox həssasdır”. 

Nicat