Cənubi Koreya prezidenti Yoon Seok-yeol kiçik sahibkarlara ümumi dəyəri 25 trilyon von (18 milyard dollar) olan yardım proqramının tətbiqinə göstəriş verib. 

Valyuta.az xəbər verir ki, bu barədə Yonhap xəbər agentliyi məlumat yayıb.

"Mikro biznes sahibləri COVID-19 pandemiyasından daha çox zərər çəkiblər və hələ də mübarizə aparırlar. Planımız populist nağd paylamalar əvəzinə, struktur islahatlarının həyata keçirilməsi üçün dəstəyə ehtiyacı olan kiçik sahibkarlara mənalı, yaxşı işlənmiş yardım təqdim edir", - prezident Seulda ilin ikinci yarısında ölkənin iqtisadi siyasətini müzakirə etmək üçün keçirilən iclasda söyləyib.

Proqramda, xüsusilə, pandemiya dövründə kiçik şirkətlərin yaranmış borclarının restrukturizasiyası, kommunal xərclərin ödənilməsi üçün subsidiyalar, habelə kiçik sahibkarlıq subyektlərinə güzəştli şərtlərlə binalar icarəyə götürən əmlak sahiblərinə vergi güzəştləri nəzərdə tutulur.

Kiçik biznesə köməklik tədbirləri həm də daxili tələbatın genişləndirilməsi və ölkədəki iqtisadi vəziyyəti dəstəkləmək üçün nəzərdə tutulub. Cənubi Koreyadakı müxalifət də eyni məqsədlə 250 min vonun (180 min dollar) əhaliyə nağd şəkildə paylanmasını tələb edir, lakin hakimiyyət populism kimi bu təklifi rədd edir.

Nicat