Avropa İttifaqı etiraz edən avropalı fermerlərin tələblərini yerinə yetirmək üçün Ukraynadan yumurta və şəkər idxalına rüsumları yenidən tətbiq etmək qərarına gəlib. 

Valyuta.az xəbər verir ki, bu barədə müvafiq qaydaların dərc olunduğu Aİ-nin Rəsmi Jurnalında deyilir.

O qeyd edir ki, rüsumlar bu gündən tətbiq edilir və 5 iyun 2025-ci il tarixinədək qüvvədə qalacaq.

İyunun 19-da Avropa Komissiyası Ukraynadan yulaf idxalına kvota və rüsumların yenidən aktivləşdirilməsini elan edib. Bundan əvvəl AK vurğulamışdı ki, Ukraynaya dəstək Aİ-nin kənd təsərrüfatı bazarının sabitliyinə xələl gətirməməlidir.

2016-cı il yanvarın 1-dən Avropa İttifaqı ilə Ukrayna arasında “dərin və hərtərəfli azad ticarət zonası” haqqında saziş qüvvədədir. Bununla belə, ekspertlərin qeyd etdiyi kimi, məhdud müddətə bütün kvota və tariflərin ləğvi ilə bağlı xüsusi qərarların qəbul edilməsi zərurəti göstərir ki, son doqquz il ərzində azad ticarət adlanan rejim Aİ-nin Ukrayna ixracının əhəmiyyətli həcmləri üzrə tarifləri saxlamasına mane olmayıb. Eyni zamanda, Aİ ölkələri bütün bu müddət ərzində Ukrayna bazarına demək olar ki, qeyri-məhdud çıxış əldə ediblər. 

Nicat