Teodor Ruzveltin otuz ildən çox əvvəl oğurlanmış cib saatı öz yerinə qaytarılıb.

Valyuta.az xəbər bu barədə CNN yazır.

ABŞ-ın 26-cı prezidentinə məxsus olan bu saat Floridada hərracda ortaya çıxıb və maraq fırtınasına səbəb olub. FTB və Milli Park Xidmətinin (NPS) məlumatına görə, saat 1987-ci ildə Nyu Yorkun Buffalo şəhərindəki Teodor Ruzveltin Milli Tarixi Parkındakı sərgidən oğurlanıb.

Saatı Ruzveltə bacısı Korinna və baldızı Duqlas Robinson 1898-ci ildə İspan-Amerika müharibəsinə getməzdən əvvəl hədiyyə ediblər. Saatın daxili hissəsindəki yazıda deyilir: "THEODORE ROOSEVELT FROM DR AND CRR". Bu gümüş saat hərbi kampaniyalarda, Afrikada ov edərkən və Amazonları kəşf edərkən prezidentin qolunda olub.

Ruzveltin 1919-cu ildə ölümündən sonra saat Lonq-Aylenddəki Saqamor Hill Milli Tarixi Parkına verilib və 1987-ci ildə oğurlanana qədər burada saxlanılıb.

Keçən il saat gözlənilmədən Floridada keçirilən hərracda peyda olub. Hərracçı əşyanın tarixi əhəmiyyətini dərk edərək, tarixi təşkilatlar və NPS ilə əlaqə saxlayıb. FTB və NPS-in komanda işi sayəsində saat tanınıb və Saqamor Hillə qaytarılıb.

"Saatların repatriasiyası FTB və NPS arasında sıx əməkdaşlıq olmadan mümkün olmazdı", - FTB-nin məsul xüsusi agenti Robert Giçi deyib. FTB-nin cəvahirat kimi təsvir etdiyi “Waltham 17” Nyu Yorka qayıdıb və Ruzvelt Evində nümayiş etdiriləcək, burada ictimaiyyət növbəti üç ay ərzində ona baxa bilər.

Saatı kimin oğurladığını və Floridaya necə gəlib çıxdığını müəyyən etmək mümkün olmayıb.

Nicat