Dövlətə məxsus Ziraat Bankının Ankaradakı nümayəndəsi bildirib ki, Türkiyədə Rusiya vətəndaşları üçün bank hesablarının açılması ilə bağlı vəziyyət stabildir və heç bir fövqəladə hal yoxdur. 

Valyuta.az xəbər verir ki, bu barədə RİA Novosti yazır.

Türkiyədə özəl banklarda Rusiya vətəndaşları üçün hesabların açılması baş ofislərin ciddi nəzarəti altında baş verir. Ölkənin özəl banklarından birinin nümayəndəsinin sözlərinə görə, bəzi hallarda məhdudiyyətlər tətbiq oluna bilər və bütün proses ən azı üç gün çəkir. O qeyd edib ki, Rusiya Federasiyasının vətəndaşları üçün hesab açmaq üçün əsas tələblərdən biri ən azı 10 min ABŞ dolları məbləğində götürülməyən əmanətin olmasıdır.

Sosial şəbəkələrdə rusların Türkiyədə bank hesabları açmaqdan kütləvi şəkildə imtina etməsi ilə bağlı yazılar reallığa uyğun gəlmir, dövlət bankının nümayəndəsi bildirib. O, hazırda heç bir mənfi tendensiya və fövqəladə halların olmadığını vurğulayıb.

Bank hesabının açılması şərtləri dəyişməz olaraq qalır, iş/təhsil icazəsi, yaşayış icazəsi və bəzi hallarda depozitə dair sənədlərin təqdim edilməsini tələb edir. Bütün sorğular baş ofis tərəfindən yoxlanılır və təsdiq alındıqdan sonra hesab açılır.

Nicat