Avropa diplomatiyasının rəhbəri Cozep Borrell bildirib ki, Avropa İttifaqına (Aİ) üzv olmaq üçün 9 namizəd ölkədən yalnız beşi dondurulmuş Rusiya aktivlərindən əldə edilən gəlirlə bağlı sanksiyalara qoşulub. 

HİT.az xəbər verir ki, bu barədə "RİA Novosti" məlumat yayıb.

Borrelin sözlərinə görə, qərara qoşulan ölkələr arasında Şimali Makedoniya, Monteneqro, Albaniya, Ukrayna, Bosniya və Herseqovina, həmçinin Avropa İqtisadi Bölgəsi EFTA üzvü olan İslandiya, Lixtenşteyn və Norveç var.

Serbiya, Gürcüstan, Türkiyə, Moldova və İsveçrə qərara qoşulmayıb.

Bundan əvvəl Avropa İttifaqı liderləri xaricdə sabitliyi pozan hərəkətlərə görə Rusiyaya qarşı yeni sanksiyalar rejiminin yaradılmasının tərəfdarı idilər. İyunun 27-də Aİ yeni sanksiyalar paketi çərçivəsində Rusiya şirkətlərinin aktivlərinin ələ keçirilməsi mexanizmini tətbiq edib.

Bu tədbir Avropa təşkilatlarının törəmə şirkətlərinin (Fortum, Carlsberg) müvəqqəti idarə olunması və tətbiq edilən məhdudiyyətlərə görə öhdəliklərini yerinə yetirmədikləri üçün Rusiyadakı Aİ şirkətlərinin aktivlərinə həbs qoyulması kimi Rusiyanın əks-sanksiyalarına cavab adlanır.

Paşa Məmmədli