Qazaxıstan Birjası (KASE) öz səhmlərini geri almaq üçün Moskva birjası ilə danışıqlar aparır. Onların üçüncü şəxslərə yenidən satılması variantı da nəzərdən keçirilir. 

Valyuta.az xəbər verir ki, bu barədə Frank Media məlumat yayıb.

KASE ehtiyat edir ki, onun səhmdarları arasında sanksiya tətbiq edilmiş şəxsin olması birjanın xarici tərəfdaşlarla əlaqələr qurmasına mane olacaq.

Rusiya ticarət platforması KASE qiymətli kağızlarının 13,1%-nə sahibdir. Onların bazar dəyəri təxminən 12,1 milyard təngə və ya 2,2 milyard rubl qiymətləndirilir.

İyunun 12-də ABŞ Moskva Birjasına , eləcə də Milli Klirinq Mərkəzinə (NCC) və Milli Hesablaşma Depozitarına (NSD) qarşı sanksiyalar tətbiq edib. Rusiya Federasiyasının Maliyyə Nazirliyi etiraf  edib ki, yeni məhdudiyyətlər Rusiyanın xarici əlaqələrini çətinləşdirəcək. Bu arada daxili bazar əvvəlki kimi fəaliyyətini davam etdirir. Üstəlik, Maliyyə Nazirliyi Moskva birjasında şirkət yerləşdirmələrinin sayının artacağını gözləyir.

Nicat