Bu ilin noyabrında ABŞ-da keçiriləcək prezident seçkilərindən sonra Amerika iqtisadiyyatı və dünya çətinliklərlə üzləşəcək. 

Valyuta.az xəbər verir ki, bu barədə məşhur amerikalı investor Cim Rocers "RİA Novosti"yə müsahibəsində bildirib.

O izah edib ki, dünya bazarlarının çoxu son illərdə demək olar hər bir mərkəzi bank tərəfindən pul çapının əhəmiyyətli miqdarına görə indi yüksəlir.

"Bu, keçmişdə baş verdikdə, adətən tənəzzülə, pis bazara və pis iqtisadiyyata səbəb olurdu", deyə Rocers bildirib.

Onun sözlərinə görə, tənəzzül ABŞ-da seçkilər zamanı və ya ondan sonra başlayacaq, bu, bütün qlobal iqtisadiyyata təsir edə bilər, çünki ABŞ-da baş verənlər dünyanın qalan hissəsinə təsir edəcək.

"Bir problem olacaq. Siz narahat olmağa başlamalısınız", deyə agentliyin həmsöhbəti əlavə edib.

Paşa Məmmədli