Aviasiya müdafiə avadanlıqları üzrə ixtisaslaşan Fransanın Thales sənaye qrupu Ukrayna ilə üç müqavilə imzalayıb.

Valyuta.az xəbər verir ki, bu barədə şirkətin saytında bildirilir. İki saziş Ukroboronprom ilə, biri FRDM ilə əməkdaşlığa aiddir.

Birinci razılaşma Thales-in Ukraynada "elektron müharibə də daxil olmaqla Qrupun müdafiə sistemləri portfelindən avadanlıqların, həmçinin taktiki rabitə vasitələrinin, hava hücumundan müdafiə sistemlərinin və radarların tədarükünü və istismarını asanlaşdıracaq" birgə müəssisə yaratmaq niyyətini elan edir. 
İkinci razılaşma elektron müharibəyə aiddir, burada Thales geniş texniki xidmət, sınaq və xüsusi təlimlər verəcək.

“Bu müqavilə Ukraynada yerli texniki xidmət imkanlarını inkişaf etdirməyə yönəlib ki, bu da təmir və texniki xidmət dövrlərini qısaldır və ən yaxşı əməliyyat imkanlarını təmin edir”, - şirkət izah edir.

Ukraynanın pilotsuz uçan aparat istehsalçısı FRDM ilə imzalanan ayrıca, üçüncü müqavilədə Thales sursat daşıya və buraxa bilən pilotsuz təyyarə sistemini birgə inkişaf etdirmək və istehsal etmək niyyətindədir.

“Qısa müddətdə bu razılaşmalar Thales-in Ukraynanın döyüş hazırlığına dəstəyini daha da gücləndirəcək. Thales Ukrayna Silahlı Qüvvələrinin çoxdankı tərəfdaşıdır. 10 ildən artıqdır ki, əməkdaşlıq edirik - əvvəlcə elektron müharibə, sonra isə geniş spektrli proqramlara genişlənmək sahəsində”, - Thales şirkətinin Beynəlxalq İnkişaf üzrə Baş İcraçı Vitse-Prezidenti Paskal Souris şərhində deyib.

Qeyd edək ki, Thales Group aerokosmik, hərbi və dəniz tətbiqləri üçün informasiya sistemləri istehsal edən beynəlxalq sənaye qrupudur.

Nicat