Oxford Universiteti Reuters İnstitutunun 2024-cü il Rəqəmsal Xəbər Hesabatında, televiziya və çap mediası kimi ənənəvi xəbər mənbələrinin auditoriyasının son 10 ildə kəskin şəkildə azaldığı, gənclərin xəbərləri internet və ya sosial media vasitəsilə almağa üstünlük verdiyi bildirilib.

Böyük Britaniyada hesabat üçün sorğuda iştirak edənlərin təxminən dörddə üçü (73%) xəbərləri onlayn əldə etdiklərini qeyd edib. Bu göstərici televiziyada 50 faiz, çap mediasında isə cəmi 14 faiz təşkil edib.

Xəbərləri izləmək üçün ən vacib sosial media platforması uzun müddətdir ki, tənəzzülə uğrasa da, hələ də "Facebook"dur.

"YouTube" və "WhatsApp" çoxları üçün vacib xəbər mənbələri olaraq qalır. "TikTok" da yüksəlişdədir və ilk dəfə "X"-i (keçmiş "Twitter") qabaqlayıb. 18-24 yaşlı gənclərin 23 faizi xəbərləri izləmək üçün TikTokdan istifadə edir.

Xəbərləri izləmək üçün "YouTube"dan video paylaşma tətbiqindən istifadə edənlərin nisbəti "X" sosial şəbəkəsi üçün 13 faiz təşkil edib.

Hesabatda qeyd olunub ki, bu dəyişikliklərə görə video internetdə xüsusilə gənc qruplar üçün daha vacib xəbər mənbəyinə çevrilib və ən çox diqqət çəkənlər qısa xəbər videolarıdır.

Hesabatın aparıcı müəlliflərindən biri olan Nic Newmanın sözlərinə görə, istehlakçılar videonu qəbul edirlər, çünki o, istifadəsi asan və geniş sahələr üzrə cəlbedici məzmun təklif edir. Ancaq bir çox ənənəvi xəbər otaqları hələ də mətnə əsaslanan mədəniyyətə kökləndiyi üçün hekayələrini yeni texnikaya uyğunlaşdırmaqda çətinlik çəkirlər.

Hesabatda həmçinin süni intellektin jurnalistikada, xüsusən də siyasət və ya müharibə kimi ciddi mövzularda necə istifadə oluna biləcəyi ilə bağlı geniş ictimai şübhənin olduğu vurğulanır və aşağıdakı qətiyyətə yer verilir.

“Jurnalistləri əvəz etmək əvəzinə onları dəstəkləmək üçün transkripsiya və tərcümə kimi pərdəarxası işlərdə süni intellektdən istifadə daha çox rahatlıq təmin edir".

Əvəz Həsənov