Çin hakimiyyəti ABŞ-dan Rusiya ilə bağlı Çinə birtərəfli sanksiya təzyiqlərini dərhal dayandırmağı tələb edir. 

Valyuta.az xəbər verir ki, bu barədə Çin Xarici İşlər Nazirliyinin rəsmi nümayəndəsi Lin Jian bildirib.

“Biz təkid edirik ki, Birləşmiş Ştatlar qeyri-qanuni birtərəfli sanksiyalardan sui-istifadəni dərhal dayandırsın Çin Çin şirkətlərinin və şəxslərin qanuni hüquqlarını qorumaq üçün lazımi tədbirlər görəcək”, - o, Vaşinqton tərəfindən ÇXR şirkətinə tətbiq edilmiş məhdudiyyətlərin son mərhələsini şərh edərkən deyib.

Rəsmi nümayəndə Pekinin Ukrayna münaqişəsində əli olmadığını və bu münaqişədə iştirak etmədiyini vurğulayıb. “Biz böhtan və təzyiqləri, eləcə də məsuliyyəti başqalarının çiyninə atmağı qətiyyən qəbul etmirik”, - o əlavə edib.

Diplomat qeyd edib ki, ABŞ Ukraynanı silahla təmin edir və eskalasiyada başqa ölkələri günahlandırmağa çalışır. Lin Jian aydınlaşdırıb ki, Çin və Rusiya Federasiyası iki ölkə tərəfindən qorunan hərtərəfli strateji tərəfdaşlıq münasibətlərinə uyğun olaraq qarşılıqlı faydalı əsasda əməkdaşlığı təşviq edir.

Bundan əvvəl ABŞ Maliyyə Nazirliyi Ukraynada xüsusi hərbi əməliyyat keçirməkdə Rusiyaya yardım etdiyi iddiası ilə Çindən olan 4 fiziki və 41 hüquqi şəxsə qarşı sanksiya tətbiq edib. Qara siyahıya Beijing Deepcool Industries, Poly Technologies, Shandong Oree Laser Technology və HK Nicest Electric Technology kimi şirkətlər daxildir. Onların böyük əksəriyyəti texnologiya sektoruna aiddir, müəssisələrin bəziləri Honq Konqda qeydiyyatdan keçib.

Nicat