Rusiya Federasiyası müharibə iqtisadiyyatında deyil və bütün mövcud ehtiyacları ödəyəcək şəkildə inkişaf etməyə davam edir. 

Valyuta.az xəbər verir ki, bunu Rusiya baş nazirinin müavini Aleksandr Novak “Əl Ərəbiyyə”yə müsahibəsində deyib.

“Mən bunun müharibə iqtisadiyyatı olduğunu düşünmürəm. Bu, bütün ehtiyacları, o cümlədən sosial ehtiyacları ödəmək üçün inkişaf etdirdiyimiz bir təchizat iqtisadiyyatıdır. Biz ənənəvi sənayeləri saxlamaq üçün yüksək texnologiyalı sənayelərə sərmayə qoyuruq.

Hasilat, emal, ixrac - ölkə iqtisadiyyatının dünya səviyyəsindən yüksək inkişaf etməsi üçün Rusiya Prezidenti tərəfindən qoyulan vəzifə. Son üç ildə Rusiya Federasiyası məhz bunu nümayiş etdirir”, - Novak bildirib.

İyunun 12-də Dövlət Dumasının sədri Vyaçeslav Volodin bəyan edib ki, Vaşinqton və Brüsselin Rusiya iqtisadiyyatını parça-parça edəcəkləri barədə bəyanatlarına baxmayaraq, Rusiya inkişaf edir.

Onun sözlərinə görə, bu illər ərzində Rusiya Almaniya və Yaponiyanı geridə qoyub, alıcılıq qabiliyyəti paritetinə (PPP) görə dünyanın ən böyük iqtisadiyyatları reytinqində altıncı yerdən dördüncü yerə yüksəlib, Avropanın ən böyük iqtisadiyyatına çevrilib. 2023-cü ildə Rusiyanın ümumi daxili məhsulu (ÜDM) 3,6% artıb. Siyasətçi əlavə edib ki, bu ilin birinci rübündə iqtisadi artım 5,4% olub.

Nicat