Vaşinqtonun hazırladığı yeni anti-Rusiya sanksiyaları Rusiyaya ABŞ-dan kənarda istehsal edilən, lakin Amerika texnologiyası və ya avadanlıqlarından istifadə edilən çiplərin tədarükünə təsir göstərəcək. 

Valyuta.az xəbər verir ki, bu barədə Bloomberg öz mənbələrinə istinadən yazır.

Agentliyin məlumatına görə, iyunun 12-də Vaşinqton Rusiya Federasiyasına qarşı yeni sanksiyaları elan edəcək. Mənbələr bildirirlər ki, ABŞ-ın Rusiyanı yarımkeçirici çiplərlə təchiz etdiyinə inandığı səkkiz Honq-Konq şirkəti qara siyahıya salınacaq.

Həmçinin, məhdudlaşdırıcı tədbirlər Amerika rəsmilərinin Rusiya aviasiya sənayesinə mal tədarük etdiyinə inandıqları şirkətlərə də şamil ediləcək. Bundan əlavə, Birləşmiş Ştatlar Rusiya Federasiyasında istifadə edilən “korporativ proqram təminatı”na qarşı sanksiyaları genişləndirməyi planlaşdırır ki, o, artıq yeniləmələri almasın.

Bloomberg-in qeyd etdiyi kimi, yeni sanksiyalar Çin şirkətlərinə qarşı yönələcək.

İyunun 12-də Ağ Evin strateji kommunikasiyalar üzrə koordinatoru Con Kirbi bildirib ki, ABŞ yaxın gələcəkdə Rusiyaya qarşı yeni sanksiyalar və ixrac nəzarəti elan etmək niyyətindədir. Onlar Moskvaya xarici məhsullar almağa kömək etdiyi iddia edilən təşkilat və şəbəkələrə yönələcək. Xüsusilə, maliyyə vasitəçilərinin Rusiya hərbi-sənaye bazasının dəstəklənməsi üzrə işi çətinləşəcək və bu, Rusiya iqtisadiyyatının əsas sektorlarında gələcək gəlirləri məhdudlaşdıracaq, - Kirbi qeyd edib.

Nicat