Krım parlamentinin rəhbəri Vladimir Konstantinov bildirib ki, bu günə qədər ukraynalı oliqarxların respublikada ümumi məbləği 2,1 milyard rubldan çox olan aktivləri satılıb. 

Valyutra.az xəbər verir ki, onun sözlərini RİA Novosti yayıb.

Qanunvericinin dediyi kimi, 2023-cü ildə ukraynalı oliqarxların aktivləri regionda ümumilikdə 1,7 milyard rubla satılıb. Bu il müvafiq rəqəm artıq 416 milyon rublu keçib.

"Beləliklə, ümumi məbləğ 2,1 milyard rubldan çoxdur", - Konstantinov deyib.

O əlavə edib ki, bu vəsait artıq Krım Respublikasının büdcəsinə köçürülüb. Eyni zamanda, deputatın sözlərinə görə, investorlar qeyd olunan aktivlərin alınmasına böyük maraq göstərirlər. Hazırda ekspertlər Ukraynadan olan oliqarxların əmlakını qiymətləndirməyə davam edirlər, qanunverici yekunlaşdırıb.

İyunun 10-da Konstantinov bildirib ki, Ukrayna hakimiyyətinin təşkil etdiyi regionun su və enerji blokadalarından dəyən ziyan 14 trilyon rublu keçib. Blokadaların hər biri Krım Respublikasına 7 trilyon rubl məbləğində ziyan vurub, lakin ümumi məbləğ yenə də arta bilər.

Nicat