"Docker Hub" repozitoriyası Rusiyadan olan istifadəçilər üçün geo bloklamağı aradan qaldırdı.

Valyuta.az "Kommersant"a istinadən xəbər verir ki, Moskva vaxtı ilə saat 14:43-dən etibarən hub.docker.com saytı Rusiyadan açılır və tam əlçatandır.

Əvvəllər repozitoriya rusiyalı istifadəçilərə girişi bağlamışdı. Daha sonra sayta daxil olmaq istəyərkən "Docker"in Amerika şirkəti olduğu və ölkə hakimiyyətinin qərarlarına tabe olması barədə bildiriş peyda olub. Belarus istifadəçiləri də eyni problemlərlə üzləşiblər.

"Docker Hub" tətbiqlərinizi işə salmaq üçün tələb olunan kodu, parametrləri və asılılıqları saxlamağa imkan verən onlayn xidmətdir. Məlumatlar "Docker" konteynerinə yerləşdirilir və digər cihazlarda işləyərkən proqramla birlikdə saxlanılır.

Paşa Məmmədli