Amerika rəsmiləri bildiriblər ki, ABŞ-ın yaxın həftələrdə Səudiyyə Ərəbistanına hücum silahlarının satışına qoyulan qadağanı ləğv edəcəyi gözlənilir. 

Valyuta.az xəbər verir ki, bu barədə Financial Times yazır.

Üç il əvvəl prezident Co Bayden vəzifəyə gəldikdən qısa müddət sonra krallığa bu cür silahların tədarükünü dayandıraraq, Ər-Riyadın Yəmənlə toqquşmaya  münasibətini Amerika silahlarının mülki şəxslərə qarşı hava hücumlarında istifadə edilməsi ilə bağlı narahatlıqlar səbəbilə tənqid edib.

“BMT-nin 2022-ci ildə əsasən Ər-Riyadın doqquz il əvvəl girdiyi Yəmən vətəndaş münaqişəsindən çıxmağa çalışdığı bir vaxtda əldə edilmiş atəşkəsdən sonra bu qərara yenidən baxıldı”, - məlumatda deyilir.

ABŞ-ın yüksək rütbəli rəsmiləri bu həftə bildiriblər ki, Vaşinqton və Ər-Riyad müdafiə paktı və krallığın yeni yaranmaqda olan mülki nüvə proqramı üzrə ABŞ əməkdaşlığı da daxil olmaqla bir sıra ikitərəfli razılaşmalara yaxındır.

Nicat