Rusiya ölkənin əsas ixrac istiqamətlərindən biri olan taxıl sənayesinə nəzarəti artırır. Bu, buğdanın tədarükü ilə bağlı narahatlıqlar səbəbindən dünya qiymətlərinin artması fonunda baş verir.

Valyuta.az xəbər verir ki, bu barədə Bloomberg yazır.

Səlahiyyətlilərin təzyiqi altında Cargill və Viterra kimi əsas Qərb treyderləri yerli şirkətlərə yer açmaq üçün keçən il Rusiyadakı əməliyyatlarını azaldıblar. Hətta Rusiya Federasiyasının ən böyük özəl ixracatçısı olan “TD RİF” (indiki “Rodnye Polya” MMC) dövlətlə fikir ayrılıqları səbəbindən işində problemlərlə üzləşib.

Nəticədə, taxıl bazarı bir neçə oyunçunun əlindədir - 6 il əvvəl 45% ilə müqayisədə indi dörd şirkət Qara dəniz terminalları vasitəsilə Rusiya taxıl ixracının 75%-nə nəzarət edir.

Çikaqoda yerləşən AgResource konsaltinq firmasının rəhbəri Dan Busse deyir ki, “Rusiyanın əmtəə bazarlarına nəzarət etmək istəyi realdır və onun taxıl sənayesinə təsiri artır” .

Konsolidasiya CBO-nun başlaması ilə güclənib və bu, Moskvaya qlobal ərzaq inflyasiyasının qarşısının alınmasında əsas rol oynayan buğda tədarükünə daha çox nəzarət imkanı verib. Rusiya Federasiyasında buğda məhsulunun azalmasına səbəb olan əlverişsiz hava şəraitində Qərb treyderləri üçün Rusiya tədarüklərini izləmək də çətinləşib.

Nicat