ABŞ neftçiləri Latın Amerikası ölkəsində fəaliyyət göstərmək üçün ümumi lisenziyanın müddəti başa çatdıqdan sonra Venesuelada fəaliyyət göstərmək üçün öz hökumətlərinə 50-dən çox ərizə təqdim ediblər. 

Valyuta.az "Efekto Kokuyo" nəşrinə istinadən xəbər verir ki, bunu ABŞ-ın Venesueladakı səfiri Fransisko Palmieri deyib.

"Neft sektoru Venesuela iqtisadiyyatının dirçəldilməsi üçün son dərəcə vacibdir, lakin ən mühümü iyulun 28-də keçiriləcək seçkilərdir. Çünki yalnız demokratik proses vasitəsilə bütün sektorların problemin öhdəsindən necə gələcəyi ilə bağlı müzakirələrdə iştirak etmək üçün yer açmaq mümkün olacaq. Lisenziyalar vacibdir, amma ən vacibi iyulun 28-də keçiriləcək seçkilərdir", deyə Palmieri bildirib.

Bundan əvvəl "Reuters" danışıqlardan xəbərdar olan mənbələrə istinadən xəbər vermişdi ki, ABŞ Venesuelada fəaliyyət göstərmək üçün lisenziya verərkən bu bazara yeni gələnlərə deyil, ölkədə mövcud neft aktivləri olan investorlara üstünlük verəcək.

 Paşa Məmmədli