Rusiyada xarici franşizaların payı 2023-cü ilin sonunda 8%-ə qədər azalıb ki, bu da son 14 ilin minimum göstəricisidir (statistika 2010-cu ildən saxlanılır). 

Valyuta.az xəbər verir ki, bu barədə Qazeta.Ru-ya Toçka Bankdan məlumat verilib.

Bu arada, Rusiya franşizalarının payı artmaqda davam edir. Analitiklərin fikrincə, ötən il satılan bütün franşizaların 92%-i yerli şirkətlərə məxsus olub ki, bu da xarici oyunçuların getməsi fonunda yerli brendlərin mövqelərinin güclənməsindən xəbər verir.

“Xarici iştirakçıların azalması fonunda Rusiya Federasiyasında franşiza bazarının böyüməsi  ümumiyyətlə iqtisadi özünü təmin etməkdən xəbər verir: müxtəlif sənaye sahələrində idxalın əvəzlənməsinin artması yerli brendlərin inkişafı üçün əlverişli şərait yaradır. Bu da öz növbəsində sahibkarlar və investorlar üçün yeni imkanlar açır”, - deyə “Toçka” franşiza şöbəsinin rəhbəri Maksim Frolov bildirib.

Ümumilikdə, 2023-cü ildə 637 yeni ticarət nişanı qeydə alınıb ki, onlardan 239-u həmin il ən azı bir franşiza sata bilib.

Bundan əvvəl rusların niyə daha tez-tez franşiza biznesi açmağa başladığı aydın olub. Məlum olub ki, Rusiya Federasiyasının sakinləri onlardan bank depozitlərinə alternativ kimi istifadə edirlər.

Nicat