Ukrayna Nazirlər Kabineti yanacağa aksiz vergisinin artırılmasını təklif edir. “Praym” şirkətlər qrupunun təsisçisi Dmitri Levuşkin proqnozlaşdırır ki, onun yanacaqdoldurma məntəqələrində qiyməti litr üçün 75-80 qrivnaya (3,5 azn) qədər arta bilər.

Valyuta.az xəbər verir ki, o, bu fikirləri “Suspilne Studio”nun efirində bildirib. Onun sözlərinə görə, hökumət aksiz vergisi baxımından Ukrayna qanunvericiliyinin Avropa qanunvericiliyinə yaxınlaşdırılması ilə bağlı Aİ-nin tövsiyəsini yerinə yetirir. Bu, ilk növbədə, Ukraynanın daxili vergi və rüsumlarına aiddir.

"Bu, gecikdirilə bilərdi, amma çox vaxtında oldu, çünki büdcəni bir şəkildə doldurmaq lazımdır və buna görə də hökumət uzun müddət tərəddüd etmədən yanacağa aksiz vergisini artırmaq qərarına gəldi", - Levuşkin deyib.

O deyir ki, Aİ-nin bu direktivi həyata keçirildikdə, Ukraynada yanacağın qiyməti Avropadakı kimi olacaq.

“Benzin və dizelin qiyməti hardasa 1,6-1,8 dollar civarında olacaq, başqa bir qanuna görə, bu ilin iyulunda da təxminən 75-80 qrivnaya çıxacaq. Avtoqazın qiyməti hər altı aydan bir daha bir qrivna bahalaşmağa davam edəcək”, - ekspert izah edib.

Bu yaxınlarda Ukrayna Nazirlər Kabineti Ukrayna qanunvericiliyinin aksiz vergisi baxımından Aİ qanunvericiliyinə uyğunlaşdırılması ilə bağlı Ukraynanın Vergi Məcəlləsinə dəyişikliklər edilməsi haqqında 11256 saylı Ali Radada qanun layihəsini qeydə alıb. Söhbət xüsusilə yanacağın aksizindən gedir.

Benzin üçün 1000 litrə 359 avro, qazoyllar üçün (dizel yanacağı) 1000 litrə 330 avro, maye qaz üçün isə 1000 litrə 277 avro müəyyən edilməsi təklif olunur.

Nicat