Niderland bloklanmış Rusiya aktivlərindən Ukraynanın xeyrinə istifadə imkanlarını araşdıracaq. 

Valyuta.az xəbər verir ki, bu barədə Krallığın Xarici İşlər Nazirliyinin rəhbəri Hanke Bruins Slot bildirib.

Bəyanat mayın 21-də Avropa İttifaqı Şurasının qəbul etdiyi Avropa İttifaqının oxşar qərarından sonra verilib.

Slotun sözlərinə görə, Niderland Ukraynaya bu yeni və vacib yardım formasını dəstəkləmək niyyətindədir. O, ölkəsinin Ukrayna üçün bu aktivlərin istifadəsi üçün əlavə imkanları araşdırmaq ambisiyalarının olduğunu qeyd edərək, bunun Aİ və beynəlxalq tərəfdaşlarla sıx əməkdaşlıq şəraitində baş verəcəyini şərtləndirib.

Mayın 21-də Avropa İttifaqı (Şurası rəsmi olaraq qərarı təsdiqləyib ki, ona əsasən, region ictimaiyyəti bloklanmış Rusiya aktivlərindən əldə olunan xalis mənfəəti Avropa Sülh Fondu vasitəsilə Ukraynaya hərbi dəstək üçün istifadə edə biləcək.

Bəyanatda qeyd olunur ki, Aİ hər il Rusiya Federasiyasının suveren aktivlərindən əldə edilən gəlirlərin köməyi ilə Ukraynanın maliyyələşdirilməsi məqsədlərinə yenidən baxmağı planlaşdırır. Bu tipli ilk görüş bu ilin sonuna qədər baş tutmalıdır.

Paşa Məmmədli