Birləşmiş Ştatlar Yeddilik Qrupu (G7) ölkələrini Rusiya aktivlərindən əldə edilən gəlirlə Ukraynaya kredit ayırmağa razı salır. 

Valyuta.az xəbər verir ki, bu barədə “Financial Times” (FT) mənbələrə istinadən məlumat yayıb.

Nəşr yazıb ki, bu plana əsasən, G7 ölkələri bu yay Kiyevə 50 milyard dollar vəsait ayıra bilər ki, bu plan təsdiqlənsin. Qəzetin həmsöhbətlərinin fikrincə, G7 iştirakçılarının heç də hamısı buna hazır deyil, xüsusən də Almaniya, İtaliya, Fransa və Yaponiya buna qarşı olub. Lakin iyunda keçiriləcək G7 sammitində bu planı razılaşdırmaq və görüşün yekunlarına dair birgə bəyanatda Rusiya aktivlərindən əldə edilən gəlirlərin istifadəsi ilə bağlı müddəa daxil etmək istəyən Vaşinqtonun təzyiqi ilə onların münasibəti dəyişməyə başlayıb.

FT-nin sitat gətirdiyi rəsmilərdən birinin qeyd etdiyi kimi, ABŞ qarşıdan gələn Amerika prezident seçkiləri zamanı Kiyevə yardımı tənqid edən respublikaçı Donald Trampın hakimiyyətə gələcəyi təqdirdə, noyabra qədər Ukraynaya vəsait ayrılmasında maraqlıdır.

Eyni zamanda, hazırda G7-yə sədrlik edən İtaliya rəsmiləri bildiriblər ki, assosiasiya ölkələri “Ukrayna üçün uzunmüddətli maliyyələşməni” təmin etmək üçün iyun ayında bu məsələdə konsensusa nail olmağa çalışacaqlar. Lakin əvvəlcə ABŞ-ın təklif etdiyi plan Yeddilik ölkələrinin maliyyə nazirləri və mərkəzi bankları səviyyəsində qaldırılacaq. Plan razılaşdırılmazdan əvvəl həll edilməli olan məsələlər arasında borcun kim tərəfindən veriləcəyi və onun ödənilməsinə zəmanət veriləcəyi də var.

Nicat