Rusiyanın “Unistream” ödəniş sistemi Gürcüstana köçürmələri bərpa edib.

Valyuta.az xəbər verir ki, bu barədə ödəniş sisteminə dəstək xidmətindən TASS-a bildirilib.

"Gürcüstana köçürmələrin göndərilməsi Unistream ofislərindən rublla həyata keçirilir və IBAN nömrəsindən istifadə etməklə hesaba lari ilə köçürülür", - şirkətin dəstək xidməti bildirib.

Müştəri komissiyasının 0% olacağını, vəsaitin kreditləşdirilməsi müddəti ödəniş edildikdən sonra 24 saat ərzində, minimum məbləğin 1 rubldan olduğu qeyd edilib. Bir köçürmənin maksimum məbləği 100 min rubl təşkil edir. Eyni zamanda, fiziki şəxslər - Rusiya Federasiyasının rezidentləri və qeyri-rezidentləri üçün Rusiya Federasiyasından xaricə ayda 10 min ABŞ dollarından çox olmayan (Mərkəzi Bankın məzənnəsi ilə konvertasiya edilmiş) və ya digər valyutalarda ekvivalent məbləğdə Rusiya Federasiyasından xaricə köçürmələrin göndərilməsinə məhdudiyyət qoyulur.

20 iyul 2023-cü ildə Amerika hakimiyyət orqanları Unistream sistemi də daxil olmaqla Rusiyanın beş kredit təşkilatına qarşı sanksiyalar tətbiq edib. Bunun fonunda Gürcüstan bankları ödəniş sisteminə xidmət göstərməyi dayandırıb.

Qeyd edək ki, Unistream Rusiyada ən böyük pul köçürmə sistemlərindən biridir. 

Nicat