Mart ayında Rusiya Avropaya tədarük üçün rublla rekord gəlir payı əldə edib. 

Valyuta.az xəbər verir ki, bu barədə RİA Novosti Rusiya Federasiyası Mərkəzi Bankının məlumatlarına istinadən yazır.

Yazın ilk ayının sonunda Rusiyanın Aİ ölkələrinə ixracında rublun payı 58,5%-ə çatıb ki, bu da tarixi maksimumdur. Müqayisə üçün: fevralda bu göstərici 48,9% olub.

Mart ayında rublun payında ən böyük artım Rusiya Federasiyasının Afrika ölkələri ilə hesablaşmalarında baş verib. Ay ərzində dəyər 41,1 faiz bəndi artaraq 51,4%-ə çatıb.

Amerika qitəsində Rusiya malları üçün rubl ödənişlərinin payı 27,6%-dən 36,9%-ə yüksəlib. Asiyada bu rəqəm demək olar ki, dəyişməyərək 41,5% olub.

Martda Rusiya ixracına rublla ən çox ödəniş edən ölkələr Karib hövzəsi (94%), Avropa (58,5%) və Okeaniya (55,8%) ölkələri olub.

Bir gün əvvəl Rusiya prezidenti Vladimir Putin bildirib ki, Çinlə ödənişlərin demək olar ki, 90%-i rubl və yuanla həyata keçirilir.

Nicat