Avropada növbəti iki ildə avrozonanın 19 ölkəsində iqtisadi artımın qiymətləndirilməsi aşağı salınıb. 

Valyuta.az xəbər verir ki, bu barədə Avropa Komissiyası yaz iqtisadi proqnozunda məlumat verib.

2024-cü ildə ÜDM-in artım templərinin əvvəlki 1,2% əvəzinə 0,8%, 2025-ci ildə isə əvvəlki 1,6% proqnoza qarşı 1,4% olacağı gözlənilir.

Eyni zamanda, tənzimləyici valyuta blokunda texniki tənəzzülün başa çatdığını və bu ilin ikinci rübündə iqtisadi artıma qayıdışını qeyd edib.

"Payız gözləntiləri ilə müqayisədə, 2024-cü ildə avro zonası üçün artım perspektivləri 0,8%-ə, 2025-ci ildə isə 1,4%-ə qədər azaldılıb", deyə Avropa Komissiyasının hesabatında qeyd edilir.

27 ölkədən ibarət bütün Avropa İttifaqı üçün 2024-cü il üçün artım proqnozu 1%, 2025-ci il üçün 1,6% təşkil edir. Aİ-də işsizlik səviyyəsi rekord həddə - 6%-də qalır və inflyasiya 2024-cü ildə 2,7%-ə, 2025-ci ildə isə 2,2%-ə düşəcək.

Paşa Məmmədli