Hindistanın IRClass təsnifat cəmiyyəti ABŞ sanksiyalarına məruz qalan Rusiya neft tankerlərinə təhlükəsizlik sertifikatlarının verilməsini dayandırıb. 

Valyuta.az zəbər verir ki, bu barədə “Reuters” yazıb.

İndi bu gəmilər Rusiya Gəmiçilik Reyestri tərəfindən sertifikatlaşdırılır. Agentlik yazır ki, dünyanın aparıcı gəmi sertifikatlaşdırma şirkətlərindən biri olan IRClass, böyük sığortaçılar və mühərrik istehsalçıları sanksiyalara görə bu gəmilərə xidmət göstərməkdən imtina etdikdən sonra Rusiya tanker donanmasının dənizə yararlılığının yoxlanılması üzrə xidmətlər göstərib.

Bununla belə, fevral ayında ABŞ Maliyyə Nazirliyi IRClass tərəfindən sertifikatlaşdırılmış 14 tankeri sanksiyalar siyahısına daxil edib. İki - NS Consul və NS Creation istisna olmaqla, bu gəmilər Hindistan şirkətinin saytında artıq siyahıda yoxdur.

IRClass əvəzinə, qalan 12 tanker aprel ayından etibarən Rusiya Dəniz Gəmiçiliyi Reyestri (RS) tərəfindən sertifikatlaşdırılıb. Eyni zamanda, 2022-ci ilin martında RS Beynəlxalq Təsnifat Cəmiyyətləri Assosiasiyasından (IACS) xaric edilib.

Hazırda bəzilərinin adları dəyişdirilmiş bu tankerlərin əksəriyyəti dəniz izləmə məlumatlarına əsasən lövbər salıb və ya Asiya və Qara dənizdəki Rusiya limanlarına gedir. Agentlik yazır ki, IRClass sertifikatının itirilməsi Qərbin 2022-ci ildə tətbiq etdiyi sanksiyalardan sonra Rusiyadan dəniz neft nəqlinin logistikasına növbəti zərbə olub.

Paşa Məmmədli