2024-cü ilin birinci rübündə Rusiyadan özəl sektorun xalis kapital axını artıb.

Report xəbər verir ki, bu barədə “İzvesti” məlumat yayıb.

Qeyd olunub ki, İnkişaf Mərkəzi İnstitutunun aparıcı eksperti Sergey Puxovun müəllifi olduğu Ali İqtisadiyyat Məktəbinin “Dövlət və Biznesə Şərhlər”də deyilir ki, cari ilin üç ayında bu rəqəm 28 milyard dollara yüksəlib.

Halbuki, ötən ilin eyni dövründə bu rəqəm 16 milyard təşkil edib. Bu tendensiyanın əsas səbəbi ixrac valyuta gəlirlərinin əldə edilməsinin çətinliyidir.