Türk şirkətlərinə İsrailin mövcud sifarişlərini üç ay ərzində üçüncü ölkələr vasitəsilə yerinə yetirmək imkanı verilib. 

Valyuta.az xəbər verir ki, bu barədə Reuters agentliyi Türkiyənin Ticarət Nazirliyindəki öz mənbəsinə istinadən yazır.

Nəşr qeyd edir ki, bu, Ankaranın yəhudi dövlətinə qarşı tətbiq etdiyi ticarət məhdudiyyətlərinə baxmayaraq baş verəcək.

Bu məlumat İsrail və Türkiyə rəsmilərinin ziddiyyətli bəyanatları fonunda ortaya çıxıb. Mayın 9-da İsrailin xarici işlər naziri İsrael Katz Türkiyə prezidenti Rəcəb Tayyib Ərdoğanın Qəzza zolağındakı vəziyyətə görə İsrailə qarşı tətbiq etdiyi ticarət məhdudiyyətlərinin bir hissəsinin ləğv edildiyini açıqlayıb.

Lakin tezliklə respublikanın ticarət naziri Ömər Bolat Katzın sözlərini təkzib edərək, onları “reallıqla heç bir əlaqəsi olmayan uydurma” adlandırıb. Onun sözlərinə görə, İsrailə qarşı sanksiyalar hələ də qüvvədədir.

Bundan əvvəl İsrail Xarici İşlər Nazirliyi Ərdoğanı ticarətin dayandırılması səbəbindən razılaşmaları pozmaqda ittiham etmişdi.

Nicat