Dünya iqtisadiyyatı geosiyasi problemlərin təsiri altında üç bloka bölünüb: Çin, ABŞ ətrafında birləşənlər və bloklara qoşulmayanlar. 

Valyuta.az xəbər verir ki, bu fikri Beynəlxalq Valyuta Fondunun (BVF) direktorunun birinci müavini Qita Qopinat deyib.

Stenford Universitetində çıxışı zamanı iqtisadçı qlobal iqtisadiyyatın artan parçalanmasına diqqət çəkib. O xatırladıb ki, Çinin ABŞ idxalındakı payı son altı ildə ticarət mübahisələri səbəbindən 8 faiz bəndi, Çinin idxalında ABŞ-ın payı isə eyni dövrdə 4 faiz azalıb.

Qopinath əlavə edib ki, Ukraynada müharibənin başlamasından və sanksiyalardan sonra Rusiya ilə Qərb ölkələri arasında birbaşa ticarət “dağılıb”.

Qopinat Çin və Birləşmiş Ştatlar arasındakı rəqabətin qlobal ticarətə daha çox təsir etməməsini "birləşdirici" olan üçüncü ölkələrin mövcudluğu ilə əlaqələndirib. İlk növbədə - Meksika və Vyetnam.

Pərakəndələşmə tendensiyası ilə mübarizə aparmaq üçün Qopinat “mövcud qanunvericilik bazasına uyğunluq” da daxil olmaqla bir neçə addım təklif edib. Onun sözlərinə görə, bu, beynəlxalq valyuta sisteminə inamı artırmağa kömək edəcək.

Mayın 8-də bildirilib ki, Avropa İttifaqı (Aİ) ölkələri 2024-cü ilin iyuluna qədər Rusiya Federasiyasına qarşı 14-cü sanksiyalar paketini razılaşdırmalıdır.

Portalın məlumatına görə, Aİ növbəti sanksiyalar paketində Rusiyaya qadağan olunmuş məhsulların tədarükündə şübhəli bilinən firmalar siyahısına daha 52 şirkəti əlavə edəcək.

Nicat