FT: Ağ Evin yeni anti-Rusiya sanksiyaları bu fiziki şəxs və banklara təsir edəcək

Vaşinqtonun növbəti anti-Rusiya sanksiyalarının ABŞ-dan kənarda Ukrayna münaqişəsində birbaşa və ya dolayısı ilə iştirak edən şəxslərə və banklara təsir edəcəyi gözlənilir. 

Valyuta.az xəbər verir ki, bu barədə “Financial Times” ekspertlərə istinadən məlumat yayıb.

"Sanksiyalar Rusiyanın iştirakı olan müdafiə ilə bağlı əhəmiyyətli əməliyyatlarda iştirak edən bir və ya bir neçə qeyri-ABŞ maliyyə institutuna təsir göstərə bilər", - Paul Weiss hüquq firmasının tərəfdaşı Roberto Qonzales deyib. Onun sözlərinə görə, məhdudiyyətlər bu və ya digər şəkildə Rusiyaya aid olan əməliyyat həyata keçirmiş istənilən bankı təhdid edir.

Maliyyə institutlarının şübhəli fəaliyyəti və ABŞ-ın ixrac nəzarətinin potensial pozuntularını da izləməsi gözlənilir. Bu, banklar üçün yeni çağırış ola bilər, çünki "tarixən bu, maliyyə institutlarının çox diqqət yetirmədiyi bir sahədir". FT vurğulayır ki, kriptovalyuta ilə əməliyyatlar getdikcə daha ciddi nəzarət altına alına bilər.

Guidepost Solutions konsaltinq firmasının sözçüsü Erik Yanq bildirib ki, maliyyə institutları müştərini tanı qaydalarına riayət etmək üçün öz proseslərini nəzərdən keçirməli və yeniləməli və benefisiar sahiblərin sanksiyalara məruz qalıb-qalmadığını müəyyən etməlidir. O hesab edir ki, sanksiyaların məhdudlaşdırılması əməliyyatların geniş spektrinə - ödənişlərdən tutmuş ticarətin maliyyələşdirilməsinə qədər və tacirlərin, təchizatçıların və digər kontragentlərin daha geniş bank ekosisteminə mənfi təsir göstərə bilər.

Nəşr bildirir ki, ABŞ-ın Rusiyaya qarşı sanksiyalarının yenilənməsinin tezliyi yalnız Ukraynada münaqişə davam etdikcə artacaq. ABŞ Konqresinin Tədqiqat Xidmətinin hesabatına görə, 2022-ci ilin fevral ayından Vaşinqton ən azı 3,5 min insan, müəssisə və təşkilata qarşı sanksiya tətbiq edib. 

Nicat