ABŞ Senatı Rusiyadan uranın idxalını qadağan edən qanun layihəsini təsdiqləyib. 

Valyuta.az xəbər verir ki, bu barədə Konqresin yuxarı palatasının Enerji və Təbii Ehtiyatlar Komitəsinin bəyanatında deyilir.

Senatorlar bu təşəbbüsü yekdilliklə dəstəkləyiblər. Qanun layihəsi ABŞ-a 2028-ci ilin yanvarına qədər bu növ yanacaq almağa davam etmək hüququ verir. Qadağa 2040-cı ilə qədər tətbiq olunacaq.

İndi sənəd imzalanması üçün ABŞ prezidenti Co Baydenə göndərilməlidir.

Rusiya ABŞ-a ən böyük uran tədarükçüsüdür və ölkədə istifadə olunan yanacağın demək olar ki, dörddə birini təmin edir. Uran müqabilində Moskva hər il təxminən 1 milyard dollar alır.

2023-cü ilin dekabrında Reuters yazıb ki, Rusiya 2022-ci ildə uran tədarükünə görə üçüncü yerdədir.

Mart ayında Avropada Rusiya uranının qiymətlərinin 2013-cü ildən bəri ən yüksək həddə - kq üçün 1713 avroya yüksəldiyi bildirilmişdi. Fevral ayında RİA Novosti Amerika statistika xidmətinin məlumatlarına istinadən yazıb ki, 2023-cü ildə ABŞ Rusiyadan 1,2 milyard dollar məbləğində uran alıb ki, bu da bütün statistika tarixində rekord göstəricidir.

Nicat