Rusdilli Vikipediyanın sahibi olan Wikimedia Fondu Roskomnadzorun tələblərindən sonra hələ də 187 “qanunsuz” materialı silməyib. 

Valyuta.az xəbər verir ki, TASS bu barədə idarənin mətbuat xidmətinə istinadən yazır.

Wikimedia Fondu ABŞ-da xeyriyyə təşkilatı kimi qeydiyyatdan keçmiş qeyri-kommersiya təşkilatıdır. Təşkilat Vikipediya və əlaqəli layihələr üçün platforma kimi tanınır.

Martın 20-də Moskvanın Taqanski Məhkəməsi növbəti dəfə Wikimedia Fondunu yalan məlumatı silməkdən imtina etdiyinə görə 3 milyon rubl cərimələyib.

Ötən il avqustun 15-də Moskvanın Taqanski rayonunun magistratı Rusiyanın Ukraynadakı “xüsusi hərbi əməliyyatı” ilə bağlı Vikipediyadan iki saxta məqaləni silmədiyinə görə Vikimedia Fondunu 2 milyon rubl cərimələyib.

Martın əvvəlində Rusiya Federasiyası İctimai Palatasının media komissiyası sədrinin birinci müavini Aleksandr Malkeviç istifadəçilərə müraciət edərkən axtarış sistemlərini ilk növbədə Vikipediyanı deyil, onun rus analoqlarını göstərməyə məcbur etməyə çağırıb.

Bundan bir qədər əvvəl deputat Anton Nemkin Vikipediyanın mümkün bloklanmasını uzun müddətli ifşaların başlanğıcı adlandırıb.

Nicat