Rusiya hökuməti üç il müddətinə çoxdəfəlik biznes vizalarının alınması üçün sadələşdirilmiş prosedur təklif edərək xarici investorları cəlb etmək üçün yeni tədbirlər hazırlayır. 

Valyuta.az xəbər verir ki, bu barədə “İzvestiya” qəzeti İqtisadi İnkişaf Nazirliyinin “Delovaya Rossiya” təşkilatı ilə birgə hazırladığı qanun layihəsinə istinadən yazır.

Hazırda belə vizalar yalnız bir il müddətinə verilir, materialda deyilir.

Belə vizaları əldə etmək üçün ən azı 50 milyon rubl investisiya tələb olunacaq. Bu sənədlərin xüsusi iqtisadi zonaların və prioritet inkişaf sahələrinin rezidentlərinə verilməsi təklif olunur.

Lakin bu yanaşma biznes ictimaiyyətinin tənqidinə səbəb olub. “Delovaya Rossiya” İqtisadiyyat nazirinin müavini Tatyana İlyuşnikovaya məktub göndərib və qeyd edir ki, vizaların yalnız xüsusi zonaların və prioritet inkişaf ərazilərinin sakinlərinə verilməsinin məhdudlaşdırılması dost ölkələrdən, o cümlədən hələ Rusiya bölgələrinin xüsusiyyətləri və dəstək tədbirləri ilə tanış olmayan əcnəbilərdən vəsaitlərin cəlb edilməsinə mane ola bilər.

“Delovaya Rossiya”nın məlumatına görə, müzakirələrdən sonra hakimiyyət bu qənaətə gəlib ki, layihələrini ölkənin istənilən regionunda həyata keçirməyə hazır olan bütün investorlara viza verilməsi məqsədəuyğundur.

Nicat