Vilfand ard-arda onuncu ay rekord qlobal temperatur elan etdi

Mart ayı tarixdə ardıcıl 10-cu ən isti ay olub. 

Valyuta.az xəbər verir ki, bu barədə TASS-a Rusiyanın Hidrometeorologiya Mərkəzinin elmi direktoru Roman Vilfand Kopernik İqlim Dəyişikliyi Xidmətinin Avropa iqlim tədqiqat proqramının məlumatlarına istinadən məlumat verib.

"2023-cü ilin iyul ayından etibarən qlobal temperatur sənayedən əvvəlki səviyyədən 1,5 dərəcə yuxarıdır" deyən Roman Vilfand bu həddin Paris iqlim sazişində göstərildiyini və 10-20 il ərzində hesablanması lazım olduğunu qeyd edib. 

Artıq bir neçə aydır ki, artım qeydə alınsa da, bu, hələ də çox "həyəcanverici siqnaldır".

"Bir çox elm adamları yazır ki, əsrin sonuna qədər 1,5 dərəcə həddi əldə etmək getdikcə çətinləşir və artıq yalnız 2 dərəcə həddi haqqında danışmaq lazımdır", deyə Vilfand vurğulayıb. 

Onun sözlərinə görə, alimlər arasında belə bir fikir geniş yayılıb ki, Paris sazişini imzalayan dövlətlər onun həyata keçirilməsi maraqları naminə kifayət qədər fəaliyyət göstərmirlər.

Paşa Məmmədli