Martın 29-da təxminən 102 000 balaca som qızılbalığını daşıyan yük maşını Oreqon ştatında İmnaha çayına gedərkən aşıb.

Valyuta.az xəbər verir ki, sürücü yüngül xəsarətlər alsa da, balıqlar yaxın gələcəkdə tavaya atılmaq aqibətindən xilas olub.

Hadisə barədə Oreqon ştatının Balıq və Vəhşi Təbiət Departamenti məlumat yayıb.
Qəza çayın üzərindəki körpüdə baş verib və buna görə də balıqlar təhlükəsiz şəkildə doğma suya qayıdıblar. İlkin hesablamalara görə, 102 min balıqdan təxminən 77 mini xilas ola bilib.

Onların taleyi inteqrasiya olunmuş transponder olan xüsusi işarələrdən istifadə etməklə izlənilib.

Sağ qalan som qızılbalığının Grande Ronde çayına axan Lookingglass Creek-ə getdiyi bildirilir.

Onların İmnahada suya buraxılması planlaşdırılırdı və tezliklə idman balıqçılığının qurbanı olacaqdılar. Lakin tale başqa cür qərar verib.

Juvenil som qızılbalığı bütün Sakit okean qızılbalıqlarının ən böyüyüdür. Bu balıqların heyrətamiz bir həyat dövrü var: axarlarda yumurtadan çıxdıqdan sonra okeana gedir və bir neçə ildən sonra öz doğma çaylarında kürü tökmək üçün qayıdırlar.

Nicat