Qırğızıstan qarşıdakı 11 il ərzində xarici borcunu tam ödəmək niyyətindədir.

Valyuta.az xəbər verir ki, bu barədə ölkə prezidenti Sadır Japarov "Kabar" agentliyinə müsahibəsində bildirib.

"2035-ci ilə qədər biz bu günə qədər yığılmış 5 milyard dollar həcmində xarici borclarımızı ödəyəcəyik. İqtisadiyyatımız yaxşılaşıb. Nə qədər ki, ölkədə əmin-amanlıq, sabitlik var, biz bunu asanlıqla ödəyəcəyik", deyə dövlət başçısı vurğulayıb.

Eyni zamanda, Qırğızıstan perspektivli layihələrə, o cümlədən, dəyəri 5-6 milyard dollar olan Kambar-Ata 1 Su Elektrik Stansiyasının tikintisinə yeni xarici kreditlərindən imtina etməyi planlaşdırmır.

"Gələcəkdə nə qədər borc götürsək də, hər bir layihə özünü doğruldacaq. Respublika büdcəsinə və insanların cibinə heç bir yük düşməyəcək", deyə prezident vəd edib.

Paşa Məmmədli