"Fitch" analitikləri Çinin xarici valyutada uzunmüddətli kredit reytinqinin proqnozunu sabitdən mənfiyə endirib. 

Valyuta.az xəbər verir ki, bu barədə beynəlxalq agentliyin press-relizində deyilir.

"Reytinqin yenidən nəzərdən keçirilməsi Çinin artan maliyyə risklərini əks etdirir, çünki ölkə əmlaka əsaslanan böyümə modelindən hökumətin daha dayanıqlı hesab etdiyi modelə keçid fonunda getdikcə qeyri-müəyyən iqtisadi mənzərə ilə üzləşir", deyə bildirilir.

"Fitch"in proqnozuna görə, Çinin bu il iqtisadi artımı bir il əvvəlki 5,2%-dən 4,5%-ə qədər yavaşlayacaq. Hökumətin büdcə kəsiri ÜDM-in 7,1%-nə qədər artacaq ki, bu da Pekinin ölkədə COVID əleyhinə sərt məhdudiyyətlər tətbiq etdiyi 2022-ci ildən bəri ən yüksək göstərici (8,6%) olacaq. Müqayisə üçün deyək ki, keçən ilin sonunda Çin dövlət büdcəsinin kəsiri ÜDM-in 5,8%-ni, 2015-2019-cu illərdə orta göstərici 3,1%-ni təşkil edib.

Daha əvvəl "Business Insider" yazıb ki, Çin daşınmaz əmlak bazarındakı böhran səbəbindən Yaponiyanın iqtisadi möcüzəsinin sonu kimi iqtisadi tənəzzüllə üzləşir.

Paşa Məmmədli