Moskva Şəhər Məhkəməsi Taqanski Rayon Məhkəməsinin "Google"un Rusiya bölməsinə 4,6 milyard rubl məbləğində cərimə kəsilməsi barədə qərarını qüvvədə saxlayıb. 

Valyuta.az xəbər verir ki, bu barədə məlumat "Moskva Şəhərinin Ümumi Yurisdiksiya Məhkəmələri" rəsmi "Telegram" kanalında yer alıb.

"Moskva Şəhər Məhkəməsi Taqanski Rayon Məhkəməsinin "Google" MMC-yə qarşı 4 milyon 611 milyon 738 min 636 rubl məbləğində inzibati cərimə tətbiq edilməsi barədə qərarını dəyişdirilmədən qüvvədə saxladı və ərizəçinin şikayəti təmin edilmədi", deyə bildirilib.

Göstərilən cərimə Rusiyada keçən ilin dekabrında "Google"a girişi məhdudlaşdırılan məlumatların, o cümlədən müharibə və LGBT məzmununa dair saxtakarlıqların dəfələrlə silinməməsinə görə tətbiq edilib. Bu cəza şirkət üçün Rusiyada üçüncü cərimədir. 2021-ci ildən bəri "Google" Rusiya qanunvericiliyini dəfələrlə pozduğuna görə iki dəfə ümumilikdə 29 milyard rubldan çox cərimələnib.

2022-ci ilin iyun ayında "Google"un Rusiya hüquqi şəxsi "Google" MMC iflas elan edib. Bu prosedur çərçivəsində daha 885 Rusiya şirkəti Amerika İT nəhənginə qarşı iddia qaldırıb.

Paşa Məmmədli